Трикови како да ја прикриете алергијата на вашето лице

За оние кои мачат мака со алергии, пролета подеднакво носи главоболки како и среќа за топлите денови, но лошите реакции на полен не мора да ви го расипат убавиот изглед.

Барем на половина од нас добро познато ни е кога наутро ќе станете и пролетниот воздух инстантно ќе ви го протече носот и ќе ги заскокотка очите.

Одеднаш кожата на лицето полека по полека станува оштетена, сува и изиритирана. Сепак постојат неколку мали трикови кои ќе направат црвенилото да исчезне.

1. Контурирајте за да не се забележи подуеноста на лицето

Кога носиме црно изгледаме послабо. Истото важи и за засенчувањето и осветлувањето на одредени делови кои ни помагаат во дефинирањето на подуеното лице. Користењето на руж ќе ви помогне да привлечете внимание на специфичните карактеристики на вашето лице, а да ги прикриете другите.

2. Намалете го црвенилото

Употребата на премногу шамивчиња може да го направи вашето лице суво и надразнето. Погрижете се за неговата добра хидратација со употреба на крема која ќе му ја врати влажноста на лицето. Потоа послужете се со прајмер во зелена боја кој ќе го прикрие црвенилото.

3. Истакнете ги очите

За да успеете во ова, неопходно е да нанесете темно моливче на горниот дел од трепките. Очите може уште малку да ги истакнете и да направите црвенилото да не се забележува. За таа цел на внатрешната страна од очите нанесете бело моливче.

4. Брановидна коса

Гледајте што е можно помалку да ја користите пеглата за коса. Наместо тоа во текот на ноќта со неколку врвци направете ја вашата коса брановидна. На овој начин ќе ја избалансирате подуеноста на лицето.

5. Коњски реп

Алергените често знаат да бидат потикнати и од влажноста околу лицето. Токму затоа може да се одлучите за најкласичниот женствен изглед, коњскиот реп.