Домашен лек против досадните подочници

Пристигнаа пролетните алергии, а со нив и вашите подочници станаа се потемни и поголеми. Време е еднаш за секогаш да се ослободите од овие непосакувани вреќички под очите и да се разубавите.

Лекот секако дека не лежи само во примената на креми и рецепти кои ќе го намалат отокот и ќе ја осветлат кожата. Обидете се да пиете доволно вода и започнете да спиете на грб.

Откако ќе се погрижите овие две важни навики да станат дел од вашиот стил на живеење, слободно можете да започнете и со подготовка и користење и на овој одличен домашен рецепт од само две состојки.

Пресечете една половина лимон и еден домат. Во стаклен сад промешајте ги соковите од двете состојки и земете едно памукче.

Причината која лежи зад употребата на овие две состојки е во погатсвото на витами кои изобилуваат во двете. Лимонот содржи високи количини на С витамин кој ја осветлува кожата, а доматот ги содржи B1, B2, B3, B6 и А.

Пред да започнете со нанесувањето на смесата темелно исчистете го лицето. Смесата нежно нанесете ја во пределот под очите и оставете да дејствува цели 15 минути. Потоа повторно измијте го лицето со вода и нанесете лесна хидратантна крема за лице.

Предупредување: Добро знаете дека сокот од лимонот е силна киселина која доколку ги допре вашите очи ќе предизвика силно печење. Внимавајте во нанесувањето на смесата.