3 маски од куркума за секој тип на кожа

Од срцето на Индија доаѓа стар рецепт кој со само неколку домашни состојки брзо ќе ви го даде посакуваниот изглед на кожата.

Индијците ја нарекуваат златната маска делумно поради бојата која ја добива, а и секако поради ефектот кој го има на кожата.

Маската претставува целосно домашен рецепт за кој не ви се потребни многу состојки ниту пак пари. Се што ви е потребно е да поседувате свеж јогурт, куркума и додатоци по желба кои во зависност од типот на кожа кој го имате ќе потпомогнат во дејствувањето на основната маска.

Во Индија се користи веќе илјадници години и секако причината лежи во благодетите на добро познатиот зачин, куркумата. Таа има природно антисептично и антиоксидативно дејство кое ќе влијае на отстранувањето на флеките и белезите на кожата. Ќе го намали црвенилото и истовремено ќе влијае против оформувањето на несаканите мозолчиња.

Основните состојки на маската се куркумата и јогуртот. Не грижете се, жолтата боја нема да остане на вашата кожа доколку правилно ја нанесувате и во препорачаните мерки.

Постојат различни додатоци во зависност од типот на кожа кој го имате:

1. За нормална или мешана кожа

Користите пола лажичка куркума со лажичка јогурт и неколку капки лимонов сок. Промешајте ги сите состојки и нанесете ги на вашето претходно добро исчистено лице. Оставете маската да делува 30-тина минути и потоа со малку сапун исчистете ја.

2. Маска за мрсна и проблематична кожа

На претходната смеса од пола лажичка куркума и лажичка јогурт, додајте пола лажичка темен мед и неколку капки алое вера. Постапката е иста и со претходниот случај. Оставете ја 30-тина минути на кожата и потоа исплакнете го лицето со сапун.

3. За сува кожа

Бидејќи на вашето лице му недостасуваат омега 3 масни киселини, најдобро што можете да направите е на основните состојки од пола лажичка куркума и лажичка јогурт да додадете и пола лажичка масло по желба. Можете да се послужите со арганово масло или кокосово.

Ова маска неопходно е да ја користите почесто. Основната препорака е да ја ставате на лицето на секои 3 дена се додека не забележите подобрување на изгледот на кожата. Доколку сте загрижени за жолтенило од куркумата имајте на ум дека тоникот или сапунот со кој ќе го миете лицето и самите млечни киселини од јогуртот ќе ви помогнат во лесното и брзо отстранување на маската и жолтата боја.