Пробајте, ќе уживате: Маски од јагоди за сите типови кожа
Јагодите се можеби најслаткото и најароматично овошје, но може да послужат и како квалитетна нега на кожата на лицето.
Искористете ја сезоната на јагоди, одморете и уживајте во овие слатки маски.
Маска за сува кожа
Потребно ви е:
- 1 шолја зрели јагоди
- 1 кафена лажица павлака
Јагодите измијте ги и исчистете ги, а потоа пасирајте додека не добиете густа смеса. Додајте ја павлаката и нанесете ја маската на чисто лице. По половина чај измијте и нанесете крема.
Маска за масна кожа
Потребно ви е:
- 1 шолја зрели јагоди
- 1 рамна лажичка сода бикарбона
- 1 рамна лажичка пченкарно брашно
Измијте ги и исчистете ги јагодите. Пасирајте додека не добиете густа смеса и на крај додадете го брашното и сода бикарбоната. Нанесете ја смесата на чисто лице, оставете ја да делува половина час и измијте го лицето.
Маска за нормална кожа
Потребно ви е:
- 1 шолја зрели јагоди
- 2 лажици млеко
- 1 кафена лажичка мед
Измијте, исчистете ги јагодите, а потоа испасирајте ги заедно со млекото и медот. Потоа прецедете ја смесата низ газа или цедалка. Во течноста која ќе се одвои ставете парче памук и со него премачкајте го целото лице и вратот. Оставете да делува половина час и измијте.
Маска за проблематична кожа (склона кон акни)
Потребно ви е:
- 3 големи зрели јагоди
- 3 листови тегавец
- Неколку капци свежо цеден сок од лимон
Измијте ги и испасирајте ги јагодите. Додадете ги иситнетите листови тегавец и капките сок од лимон и повторно добро промешајте. Нанесете на лицето и почекајте маската да делува 20 минути. Измијте темелно.
Важно: Маските можете да ги користите неколку пати неделно, а резултатите ќе бидат видливи по 3 третмани.