Направете домашен педикир пред да одите на плажа

Ако сакате педикирот да вие трае во текот на целиот одмор, тогаш следете ги овие неколку чекори пред да заминете на плажа.

За лакот на ноктите на нозете да не ви исчезне уште првиот ден додека сте во вода, тогаш почнете однапред неколку дена да ги подготвувате вашите стапала и направете си одличен домашен педикир:

1. Неколку дена пред да одите на одмор немојте да ги лакирате ноктите на нозете со цел да ги зајакнете и да ги опоравите од лаковите. Во текот на овие неколку дена, нанесувајте само витаминско масло на кутикулите и хидратантна крема на целото стапало.

2. За совршен изглед, пред да нанесете лак во боја прво исполирајте ги ноктите со турпија и исчистете ги евентуалните остатоци од лакови со ацетон, без додатоци како масла.

3. Најпрво нанесете базен лак во тенок слој, а дури потоа лакот во боја, а на крајот завршете со проѕирен лак за заштита.

4. Помеѓу нанесување на секој од лаковите, правете пауза од 2 минути. После неколку денови или ноќта пред да одите на одмор, додајте уште еден слој од лакот во боја за дополнителен сјај и свежина.