Домашна маска од краставица за 3 типа на кожа

Освен за да ги отстраните темните подочници, свежите краставици можете да ги употребите и како средство со кое ќе си направите природна козметика.

Дознајте како можете да го негувате лицето според вашиот тип на кожа.

1. Маска од краставица за сува кожа:

Потребни состојки:

• 1 мала неизлупена краставица
• 1 супена лажица павлака

Начин на подготовка и употреба:

Добро измијте ја краставицата, а потоа исечкајте ја и ставете ја во блендер за да добиете кашеста структура. Потоа во кашата додајте ја павлаката и добро измешајте ја смесата.

Мешавината нанесете ја на чисто лице, врат и деколте, а потоа почекајте околу половина час и измијте го лицето со топла и ладна вода. Во маската можете да додадете и неколку капки маслиново масло, а маската повторувајте ја неколку пати неделно.

2. Маска од краставица за мрсна кожа:

Потребни состојки:

• 1 Мала неизлупена краставица
• 1 кафена лажичка сок од свежо исцеден лимон
• 1 супена лажица кисело млеко

Начин на подготовка и употреба:

Измијте ја краставицата и исечкајте ја ситно, а потоа измешајте ја со другите состојки. Нанесете ја маската на лицето, вратот и деколтето и почекајте 30 минути, а потоа измијте ја. На крајот лицето намачкајте го со хидратантна крема.

Маската користете ја 2 пати неделно, а доколку забележите дека кожата ви станала сува, исфрлете го сокот од лимон од состојките.

3. Маска од краставица за нормална кожа:

Потребни состојки:

• 1 мала неизлупена краставица
• 1 кафена лажичка мед

Начин на подготовка:

Измијте ја краставицата, исечкајте ја и ставете ја во блендер за да добиете каша, а потоа додајте го медот. Добро соединете ја смесата и нанесете ја на чисто лице, врат и деколте. Почекајте околу 30 минути, а потоа измијте ја кожата со топла и ладна вода и намачкајте ја со крема.

Маската повторувајте ја на секои 2 до 3 дена, за кожата секогаш да ви биде свежа и сјајна.