Домашни лекови против стриите и целулитот на задникот, стомакот и бутовите

Главната причина заради која се појавуваат стриите е промената на телесната тежина, честите варирања на истата, како и нагло растење или ширење во пубертетот. Едноставно кажано, никој не е имун на нив.

Зависно од ширењето на кожата, стриите може да бидат во различни бои и да се појават на различни места. Од нозете, бутовите и задникот, па се до стомакот. Нивната боја може да варира од виолетова, до нијанса посветла од природната боја на кожата.

Како да ги отстраните стриите по природен пат?

1 решение: Мевлем

Измешајте ½ шолја маслиново масло со ¼ шолја гел од алое вера и додадете 4 капсули витамин Е и 2 капсули витамин А. За поубав мирис, додадете етерично масло по желба.

Добиеното масло чувајте го во ладилник и нанесувајте го 2 пати дневно на критичните места.

2 решение: Алое вера

Посебно корисна за стриите на нозете и стомакот, затоа што ја обновува еластичноста на кожата и ги пополнува трагите кои настануваат.

Потребно е да ја третирате кожата со чист алое вера гел по туширањето и тоа секојдневно.

3 решение: Сок од лимон

Методата е неверојатно лесна и евтина, затоа што ви е потребен само сок од еден лимон. Со исцедениот сок намачкајте ги критичните делови и масирајте со благи, кружни движења.

Почекајте 10тина минути, па кожата исплакнете ја со млака вода. Лимонот е одличен природен избелувач, па само по 1 седмица ќе ги забележите резултатите.

4 решение: Кокосово масло

Уште едно масло кое значајно ќе ви ја подобри ситуацијата. Принципот на употреба е идентичен како и со сокот од лимон – задолжително масирајте ги критичните делови со кокосово масло по туширање.

За ефектот да биде подобар, може да додадете и шеа путер.

5 решение: Белка од јајце

Како одлично средство за стриите на нозете се покажале обичните белки од јајце.

Белката содржи витамини и аминокиселини кои ќе ви го забрзаат опоравувањето на кожата.

Земете 2 белки и матете ги додека не добиете густа смеса. Со сунѓерче втријте ја смесата на кожата, почекајте да се засуши, а потоа измијте со ладна вода. Нанесете хидратантна крема.

6 решение: Масло од рицинус

Ова масло е совршено за масажи на кожата затоа што ја враќа еластичноста, одлично хидрира и дури ги елиминира брчките.

За стриите до ден денес се употребува во земји како Индија, каде го комбинираат со топли купки.