Домашна маска од кајсии за исончан тен

Сезоната на кајсии е во полн ек, па наместо да купувате вештачки креми, искористете ги нивните предности пред одмор.

Богати со витамин А и Ц, калиум, железо и бакар, ја штитат кожата од штетното влијание на UV зраците.

Освен тоа содржат витамини Б3 и Б5,  фосфор, магнезиум, вода и белковини, билни влакна, билни масти, етерични масла и целулоза.

Докажано е дека позитивно влијаат на кардиоваскуларниот систем, штитат од стареење и го спречуваат настанувањето на брчки.

За да добиете исончан тен исто така потребни ви се само неколку кајсии и следниов рецепт:

Земете 5 кајсии и ставете ги во блендер. Додадете 4-5 капки маслиново масло и мешајте.

Добиената смеса нанесете ја на лице или ако направите поголеми количини, нанесете на телото.

Маската оставете ја да делува 20 минути, а потоа исплакнете со млака вода.

Ако имате сува кожа, додадете 2 лажици јогурт на секои 2 кајсии, наместо маслиново масло.