5 места на кои треба да нанесете парфем ако сакате да трае подолго

Без разлика на тоа која е најглавната причина за употребување на парфемот сите ние имаме крајна желба: истиот да потрае цел ден.

За парфемот да трае подолго најчесто го нанесуваме неколку пати, во главно на зглобовите, но постојат сосема поинакви и неочекувани места кои ќе го постигнат ефектот на долготрајност.

1. Коса

Наместо на кожа напрскајте го парфемот на вашата коса. Многумина веруваат дека овој начин на нанесување на парфемот може да потрае цел ден. Но, во ниту еден случај не го прскајте на краевите, бидејќи алкохолот од парфемот може да ги оштети.

2. Грб

Можеби ви звучи чудно, но научникот за олфакторното функционирање Шандлер Бур вели дека идеално место за прскање на парфемот е токму грбот. На овој начин ќе мирисате цел ден, но на суптилен начин.

3. Внатрешна страна на лактите

Намирисајте ја нежната кожа на внатрешната страна на лактите, а ако сакате парфемот да ви потрае подолго најдобро е пред тоа да нанесете хидратантна крема.

4. Внатрешна страна на колена

Нежната кожа на внатрешната страна на колената е уште едно идеално место за нанесување на парфемот, бидејќи истата е прилично тенка и бргу го впива мирисот. Меѓу другото, самото место произведува поголема количина на топлина, па и мирисот на парфемот ќе се засили.

5. Папок

Лив Тајлер тврди дека парфемот на ваков начин го користи со години и дека е прилично ефикасен начин за подолго задржување на мирисот.