Тестирајте го здравјето на косата во 3 чекори

Секако дека постојат одредени мали работи кои ви укажуваат на тоа колку ви е здрава или оштетена косата и кои ве наведуваат веднаш да појдете до фризерот , но пред да го направите тоа можете да ги испробате и овие тест правила за здрава коса.

Пред да се одлучите за кратење на краевите на косата можете:

1. Натопете ја косата

Извадете неколку суви влакна од косата и од нив направете топче, а потоа истото ставете го во чаша вода. Ако топчето за помалку од 30 секунди потонува на дното, вашите кутикули се полни со ситни оштетувања и пукнатини поради кои и внатрешноста на влакното ви е оштетена.

Ако топчето плута повеќе од 1 минута можете слободно да бидете модел за коса, бидејќи вашата коса е совршено здрава.

2. Растегнете ја

Едно влакно од вашата коса потопете го во вода и потоа држејќи го за двата краја полека растегнувајте го. Ако бргу се искине тоа е доказ дека на вашата коса и недостасува еластичност поради која е подложна на пукање посебно на краевите.

Здравото влакно се растегнува барем за 25% од нормалната должина.

3. Бушавост

Застанете пред огледало и со батериска светлина добро проверете ги влакната на темето кои се разлетани и не се дел од остатокот од косата.

Ако имате многу мали рамни влакна тоа значи дека имате голем број на млади влакна и дека вашата коса сама се обновува. Ако пак, влакната се крути и нерамни, тоа значи дека вашата коса е оштетена.