4 чекори со кои ќе ги покриете темните кругови околу очите

Речиси да не постои жена која не се буди со темни кругови околу очите и желба истите да исчезнат штом излезе од дома.

Но, затоа што магијата не е возможна, а шминката е најблиску до неа, освежете си го лицето со помош на 4 едноставни чекори и основни производи кои веќе ги имате во несесерот.

1 чекор

Нанесете 5 точки течен прајмер под очите. Така полесно ќе се „залепи“ коректорот.

2 чекор

Направете V буква под очите. Во внатрешниот агол од окото нанесете портокалов коректор, а на надворешниот агол жолт коректор. Измешајте ги и размачкајте.

3 чекор

Долната линија на окото пополнете ја со бела сенка, а потоа добро размачкајте. Ова ќе ви помогне драстично да го освежите изгледот.

4 чекор

Нанесете маскара на горните и долните трепки.