Испукани усни и суво лице: 5 совети за ефективно одржување на кожата во зима

Трендовите се менуваат од сезона во сезона, па така и квалитетот на нашата кожа. Затоа е важно е да ја прилагодите рутината за грижа на кожата во зависност од годишното време. Зимата може да биде брутална за кожата, особено поради сувиот воздух, ладниот ветер и внатрешната топлина.

За да ја зачувате здравата кожа во текот на овие неколку месеци ви предлагаме да ги пробате овие трикови:

1. Нанесувајте хидратантантна маска 2-3 пати неделно

Иако е важно да нанесете квалитетна хидратантна крема и дење и ноќе, сепак понекогаш и е потребна дополнителна хидратација, особено во зима. Маската е ефективен начин како да ја потхраните кожата и добро да ја одржувате во текот на студената сезона.

2. Нежно ексфолирајте 1-2 пати неделно

Поради сушење на кожата во овој период, важно е да ги отстранувате мртвите клетки за кожата да може да ја впие влагата. Нежната екфолијација е одлична идеја. Откако ќе го измието лицето, потопете крпа за лице во топла вода и нежно тријте ја кожата во кружни движења.

3. Избегнувајте врела вода при капење

Иако е искушувачки, топлите бањи и туширања можат дополнително да ја исушат кожата. Секако дека не треба да се туширате или капете со ладна вода, но осигурете се дека водата не е премногу жешка и пробајте да не се задржувате многу.

4. Пијте многу вода

Хидратацијата започнува однатре, па затоа пиењето на многу вода во текот на денот е најефективниот начин да ја одржите кожата здрава. Додадете овошје или растенија за поубав вкус.

5. Користете на четка на испуканите усни

Постои трик кој го користиме со години и кој прави чуда - кога вашите усни се навистина испукани и суви, земете сува четка за заби и нежно тријте ги усните. Ова ќе ја отстрани мртвата кожа, а потоа нанесете балсам или мрсна крема за да ги одржите хидрирани.

С. С. | Црнобело