8 чудни трикови за убавина кои докажано делуваат

Сенка за очи на коса? Или пиво наместо маска? Звучи како нешто што никогаш не би го направиле, но оние кои ги испробале овие трикови велат дека делуваат.

Не би било лошо да ја промените дневната рутина за разубавување и да искористите некој трик:

1. Сенка за очи против подраснат корен

Најдете ја сенката која е најблиску до вашата боја на коса и со мала четка нанесете на местата каде коренот е најмногу видлив. Потоа пропрскајте лак за да го продолжите ефектот.

2. Бебешка пудра за подолги трепки

Ако сакате ефект на вештачки трепки, нанесете слој бебешка пудра под маскарата. Задолжително нанесете два слоја маскара.

3. Течен туш и моливче во едно

Загрејте го моливчето за очи и ќе добиете течен туш. Замрзнете го и потоа повторно можете да го користите како моливче без да се рони.

4. Пиво наместо маска за коса

Пивото ја прави косата мека и сјајна, а сè што треба да направите е да го исплакнете и измасирате скалпот со 1 чаша пиво. Оставете да делува 5-10 минути и исплакнете.

5. Маслиново масло за чистење

Наместо да се мачите со скапи тоници, матираниот кармин и водоотпорната маскара најлесно се отстрануваат со маслиново масло на памук.

6. Активен јаглен за бели заби

Намокрете ја четката за заби, истолчете неколку јаглени и мијте ги забите 3-4 минути. Иако тие неколку минути устата ќе ви биде црна, откако добро ќе исплакнете, забите ќе бидат барем за нијанса побели.

7. Брзо нашминкани очи

Две во едно трикот се состои во тоа што на гумичката на виткачот за трепки треба да нанесете црно моливче. Додека ги виткате трепките имате совршено исцртани очи.

8. Регенератор како подлога за бричење

Ако немате пена за бричење, на нозете ставете регенератор. И тој ве штити од гребењето на кожата.

Д. М. | Црнобело