Изборете се со сувата кожа: 4 намирници кои ќе ве спасат оваа зима

Сувата кожа е последица на многу надворешни фактори меѓу кои се и исхраната и ниската температура.

Доколку во овие ладни денови забележувате дека кожата ви е посува него вообичаено, веројатно станува збор за сезонски проблем.

Добрата вест е што лесно може да се изборите со сувоста на кожата благодарение на некои намирници кои сигурно ги имате дома, а никогаш не ви паднале на памет дека можат да ви бидат од помош.

Еве кои продукти можат да ви помогнат:

1. Кора од портокал

Доколку имате мака со испукани усни, решението се крие во кората од портокал - поточно во нејзините бели делови. Тие се богати со витамин Ц и се погодни за отстранување на мртвите клетки од усните.

Како се користи: Внатрешната страна од кората на портокалот искористете ја за нежно да ги масирате усните. Избришете се со влажен пешкир и нанесете хидратантен балсам.

2. Ориз

Водата во која се вари оризот може да ја смири кожата бидејќи е богата со витамин Ц и Е, антиоксиданси и минерали. Задолжително користете органски ориз, кој не е третиран со штетни супстанции.

Како се користи: Ставете половина шолја ориз во мал сад и дополнете со вода. Оставете да отстои барем 10 минути, а најмногу еден час. Потоа, исцедете ја водата и со сунѓер или памук натапкајте ја водата на лицето. Оставете да отстои 1-2 минути и измијте го лицето.

3. Морков

Иако не е познат како продукт кој го подобрува квалитетот на кожата, морковот е нежен, хидратантен и богат со витамини како А и Ц, железо, антиоксиданси и калиум. При изборот на моркови секогаш одбирајте ги оние кои се органски и се локално одгледани.

Како се користи: Излупете го и исечкајте го морковот. Проварете го додека не омекне. Оставете го да се олади. Исцедете го и зачувајте ја водата. Во блендер измешајте го со кафена лажичка јогурт и малку вода која ви остана од готвењето. Потоа, нанесете го на кожата со помош на четка и оставете ја смесата на лицето 5-10 минути. Измијте се со млака вода.

4. Јогурт

Како еден од најдобрите намирници за сува кожа, јогуртот содржи пробиотици кои ја смируваат кожата и лактозна киселина која ги отстранува мртвите клетки од кожата.

Како се користи: Размачкајте половина лажичка грчки јогурт на лицето. Оставете минута-две и потоа измијте се со млака вода.

С. С. | Црнобело