Фасцинантниот живот на 84-годишен модел кој сè уште чекори на модните писти

Кармен Дел`Орефиче е 84-годишен модел кој сè уште се движи на модните писти, сè уште позира пред фотоапаратите за најпознатите светски списанија и редовно е дел од модните кампањи на дизајнерските куќи.

Тајната на нејзиниот младолик изглед и убавина е многу едноставна – таа ужива во добриот сон, пливањето и воопшто не се грижи за своите години. Кармен не ги крие од јавноста пластичните операции кои ги направила.

„Секогаш постои нешто што може малку да се промени, но не сè“ – вели таа. Според неа, и умот и телото мораат да се одржуваат во форма, инаку сè е залудно.

Кармен станала модел кога имала само 15 години и многупати досега се нашла на насловните на Vogue и Harper’s Bazaar. Во Гинисовата книга е запишана како модел со најдолга кариера.

Темпераментот го наследила од својот татко кој е Италијанец и воопшто не крие дека ужива во хедонистичките задоволства како сексот и добрата храна.

„Живеев фантастичен живот – колку жени кои ги сликал Норман Паркинсон за лична карта знаете?“ – вели таа. Дури и Салвадор Дали ја нарекувал негова муза.

Таа се надева дека ќе живее до 100 години и дека ќе почине на високи потпетици. А, на нас останува да се воодушевуваме на нејзиниот дух.

Н. Г. | Црнобело