Штипка за потенок нос, цветен масажер за лице - Најчудните корејски производи за убавина

Секоја земја си има свој водечки бренд за препаративна и декоративна козметика, како и свои традиции за негување на женската убавина, но се чини дека Јужна Кореја е неколку чекори пред сите останати.

Корејците имаат океан од козметички производи и задачата наречена одржување на убавината и негата на женското тело си ја имаат сфатено многу сериозно.

Една девојка се нафатила на предизвикот да испроба неколку производи кои се произведуваат само во Јужна Кореја и резултатите се запрепастувачки и смешни:

Штипка за потенок и исправен нос

Упатството на производот вели дека е „За нос 10-15 минути“ и тврди дека ќе им овозможи на корисниците „висок и убав нос“. Парчето розова пластика сепак не се покажало делотворно и го притискало носот прилично агресивно.

Хипо ленти за редукција на целулит

Малото пакетче со слаткото Хипо на сликата било премногу примамливо за да не заврши во ќесата со купени производи. Во него се криела неверојатно мала лента со слаб мирис на еукалиптус, а компанијата била доволно внимателна да вклучи и мало дупче за папокот.

Во упатството било наведено дека лентата треба да дејствува 8-9 часа, па откако внимателно ја наместила, девојката отишла во кревет. По 20 минути почувствувала силно пецкање и неверојатна топлина како од оган. Не можела да издржи и ја извадила лентата. Којзнае, можеби тогаш почнала вистински да делува.

Свилени топчиња за раце наменети за пилинг на лицето

Овие топчиња треба да се потопат во млака вода пред да се нанесат на прстите и внимателно да се направи пилинг на кожата на лицето. Сепак, искуството не било воопшто „свилено“ туку малку потсетувало на нежна шмиргла.

Но, девојката тврди дека топчињата завршиле добра работа во делот на црнките на и околу носот и оние на брадата, па сепак ќе му даде и втора шанса на производот.

Цветен масажер за лице

Овој производ заслужил најмногу пофалби. Масажерот за лице во форма на цветчиња би требало да ја зголеми циркулацијата на крвта, а масажата да резултира во пограциозна форма на лицето отстранувајќи го вишокот подбрадок и здрав изглед надополнет со природен сјај.

Веројатно изгледа смешно и глупаво и не нуди ништо повеќе од обична масажа, но барем не е штетен и е прилично забавен производ.

Гел маска за обликување на формата на лицето

Наспрема овалното или квадратното лице, Корејците го префереираат лицата во форма на буквата V, односно срцевидниот облик. 

Овој производ за моделирање на брадата би требало да ги даде очекуваните резултати и да ја издолжи формата на лицето.

Пакетчето содржело дебело парче ткаенина која од едната страна изгледала како газа, а другата страна била неверојатно леплива. Специјалните додатоци овозможиле маската добро да се прицврсти позади ушите и цврсто да се постави во делот на брадата. Резултатите сепак изостанале.

Дали вие би се осмелиле да пробате некој од чудните корејски производи за убавина?

(О)Милена | Црнобело