Како да нанесете шминка кога надвор е топло, без да се растече?

Топлите денови очигледно ќе потраат, што е огромен предизвик за жените кои секојдневно се шминкаат.

Како истовремено да бидете средени на работното место, без да чувствувате дека имате маска на лицето?

Следете ги овие совети.

1. Користете крема а лице која не е на база на масло.

2. Задолжително користете подлога под пудрата. Така ќе го избегнете нејзиното растекување.

3. Не нанесувајте шминка со прстите. Користете четки и сунѓерчиња. Така ќе нанесете потенок слој и ќе го избегнете дополнителното загревање на лицето.

4. Најголемата грешка која жените ја прават во лето - нанесуваат иста количина на шминка како во зима. Кога е топло сосема ви се доволни пудра, коректор, маскара и кармин во природна боја.

5. Избегнувајте силни бои. Тие изгледаат тешко. Задржете се до пастелните тонови.

6. Користете течни сенки, наместо камени.

7. Истото важи и за руменилото. Секогаш е подобро да одберете кремасто руменило во лето.

8. Што се однесува до пудрата, не користете камена. Заменете ја со пудра во прав која лесно се размачкува и нанесува.

9. Избегнувајте моливчиња за очи и маскари кои содржат восок.

10. Усните нека останат суви и светли. Тешките кармини се тешки за корекција и дополнително ви создаваат топлина. Доволен ви е само еден слој сјај или балзам за усни.

М. Д. | Црнобело