Крупно прекршена коса во линија е новиот тренд кој освојува

Сакате едноставен, но модерен изглед на косата која ќе ја прикаже вашата нијанса и ќе заблеска во полн сјај?

Најновиот тренд кога станува збор за косата го нуди токму тоа – суптилно прекршување кое поминува како линија низ целата должина на косата, во зависност од вашето расположение, поблиску до коренот или сосема долу кај врвовите.

За постигнување на овој изглед, косата треба да е мека (значи претходно третирана со маска или регенератор што ќе го спречи електрицитетот) и по можност да нанесете средство кое ќе ѝ даде многу сјај.

Виткањето, односно прекршувањето се прави со помош на пегла за коса.

Одберете поголем прамен коса, која претходно добро сте ја исчешлале и измазниле.

Фатете го праменот коса со пеглата на должината која ја посакувате и свиткајте ја за 180 степени нанадвор од вашето лице.

Пуштете го праменот лежерно и внимавајте виткањето на останатите делови коса да се поклопи со првиот, за да имате права отсечна линија.

Не употребувајте лак за коса, таа треба да биде лежерна и лелеава.

(О)Милена | Црнобело