Сè за црната маска - дали делува, дали лупењето боли, колку чини...

Досега сигурно сте изгледале барем едно видео или една реклама за црната маска која последниве неколку месеци направи бум во светот на убавината.

Црната маска која се лупи, оригинално е од неколку брендови од Азија, но веќе сите козметички брендови се фокусираат на нејзино произведување. Што значи, лесна е за наоѓање.

Тајната е во тоа што црната маска е како лепак и буквално се лепи за критичните делови каде што имате црнки, а кога ќе се исуши заедно со неа ги вадите сите маснотии, мртви клетки и црнки од порите.

Дали е делотворна?

Поголем дел од луѓето кои ја пробале велат дека има видлив ефект.

Активниот јаглен е главната состојка на оваа маска, а бидејќи е познат како состојка која ги апсорбира сите отрови, не е ни чудо што маската е делотворна.

Одличен третман ако имате црнки на брадата, носот и Т-зоната.

Добрата страна на црната маска:

Лесна е за употреба, бидејќи ви требаат само 15 до 30 минути за да ги исчистите проблематичните делови. Не треба да правите ништо посебно, само да чекате да се исуши и да ја излупите.

Затегнувањето на кожата под црната маска не е непријатно.

Ако со години се борите со масна кожа, затворени пори и црнки, дефинитивно помага уште после првиот третман. Ефектите се многу повидливи отколку со другите обични маски кои се измиваат.

Лошата страна на црната маска:

Како што и претпоставувавте, звучи премногу добро за да биде реално.

Маската е неверојатно болна за отстранување. Затоа не се препорачува на луѓе со чувствителна кожа.

Очекувајте благо црвенило по нејзиното отстранување и мала болка.

Цени и достапност:

Црната маска ја има во мали кесички со ниски цени (околу 60 денари) и се идеални ако за првпат ја користите.

Доколку ви одговара, можете да ја порачате онлајн, каде цените се разновидни - од 200 денари на Amazon и AliЕxpress, па сè до Фесјбук групи и онлајн козметички продавници каде цената достига до 1.000 денари.

Неколку видеа од луѓето кои веќе ја пробале оваа маска:

Какво е вашето мислење околу оваа маска? Сте ја пробале? Споделете искуства...

М. Д. | Црнобело