Како Кејт Мидлтон преку ноќ се подмлади за 10 години?

На 9-ти јануари, војвотката од Кембриџ наполни 35 години - возраст кога многу жени почнуваат да размислуваат за или да користат третмани и интервенции за да се подмладат.

Но, Кејт Мидлтон најде нов начин како да изгледа помладо, без да користи ботокс...

Едноставно реши да намали со шминката.

Уште на почетокот од 2017-та година, Кејт намали со црниот молив на очите и руменилото за образи.

Експертите за разубавување велат дека токму заради поприродниот изглед Кејт изгледа барем неколку години помлада.

Еве какви промени направи таа во шминкањето:

1. Сенка и молив за очи

Кејт отсекогаш била наклонета кон моливот за очи. Го нанесуваше како на горниот капак, така и на долниот, во линии. Но, неодамна престана да го користи и заради тоа изгледа драстично помлада.

Како старее вашата кожа така најдобро е областа под очите да изгледа чиста и без премногу шминка.

2. Веѓи

Кејт порано преферираше веѓите да не ги исполнува и да прави да изгледаат тенки и со поостри линии.

Но, откако почна да ги пополнува, да прави да изгледаат подебели и со поблаги линии изгледа најмалку деценија помладо.

Веѓите многу го менуваат изгледот, а колку се поприродни со побогати бои, толку прават да изгледате помлади.

3. Пудра

Ако добро ги анализирате постарите и посвежите фотографии од војвотката ќе забележите дека таа направи и промена во пудрата.

Порано употребуваше мат нијанса, а сега почна да користи малку помрсни пудри кои прават да изгледа нејзината кожа да изгледа хидрирана и свежа.

Секоја пудра која прави да се одбива светлина од вашата кожа креира илузија на помладешка кожа.

4. Руменило

Порано употребуваше розови нијанси и јасно ги изразуваше образите, сега, наместо камено руменило почна да одбира кремасто кое исто како и пудрата, прави кожата да ѝ сјае и да и изгледа помлада.

5. Нега на кожата

Клучно во тоа кожата да ви изгледа младешка е постојано да ја хидрирате. 

Н. Г. | Црнобело