Дали домашните пасти за заби со активен јаглен се сигурни за употреба?

Активниот јаглен се јавува како главна состојка во познатата црна маска која гарантира вадење на црнки и намалување на порите.

Сега истата е повторно актуелна, овојпат како дел од домашна паста за заби, каде што покрај активен јаглен се става и сода бикарбона, кокосово масло, малку лимон и сол.

Прашањето е  - колку активниот јаглен е сигурен за употреба кога се работи за деликатната нега на забите?

Пастата за заби која во својот состав содржи активен јаглен (кој воедно е дел од античките медицински техники) се врзува со сé на коешто ќе „налета“ кај забите – дамки, забен камен, бактерии и вируси. Вашите заби ќе бидат забележително побели после четкањето.

Но, еве го делот кој е особено интересен – јагленот попатно може да се врзе и со бактериите кои му се потребни на организмот, како на пример оние за дигестија на храната, и истите едноставно да ги исфрли низ телото.

Особено голем ризик е користењето на неактивен јаглен, односно погрешен тип на јаглен. Затоа, доколку се решите за ваков тип на белење заби, одберете пасти од проверени и квалитетни производители каде точно е наведен каков тип на јаглен користат или испробајте исклучиво активен јаглен.

Редовно одете на стоматолошки проверки и четкајте ги забите после секоја шолја црно кафе и црвено вино за побели заби.

(О)Милена | Црнобело