Зошто не смее да користите лимон во третмани за убавина?

Лимонот е единственото овошје кое треба да го избегнувате во дневните ритуали за убaвина.

Пилинг и маски за тело, маски за коса, разубавување на ноктите и лицето... Малите „направи сам“ проекти ги обожуваме, па сакаме и самите да си ги направиме дома, уживајќи во природните третмани за убавина. Сепак, научниците предупредуваат: избегнувајте да користите лимон!

Многу жени го користат сокот од ова цитрусно овошје, за да ја осветлат косата, но и за третирање на хиперпигментацијата на кожата, односно дамките и пегите кои се јавуваат по рацете и лицето. Некогаш, користењето на лимонот оди толку далеку, што и во бањата се користи како дел од хемискиот пилинг, што во голема мера го нарушува квалитетот на кожата и нејзиното здравје.

Зошто не би требало да го користите? За жал, постојат неколку лоши страни на лимонот, поради кои би требало да го избегнувате во ритуалите за убавина, и тоа:

1. Лимоновиот сок има исклучително ниска pH вредност, а неговото прекумерно користење ја иритира кожата, која станува сè поцрвена, доведувајќи до појава на сериозниот проблем наречен фитофотодерматитис. Тој се карактеризира со болно црвенило и појава на пликови, а проследени се со постојан јадеж и чувство на жарење на иритираните делови на кожата.

2. Лимонот содржи во себе фотосензитивни супстанции кои реагираат при изложеноста на сонце, правејќи ја кожата особено чувствителна на UV зраците. Воедно, ова доведува до хиперпигментација, што е иронично, со оглед на тоа дека лимонот се користи за избледување на хиперпигментациските дамки.

3. Последната точка е врзана за косата. Мошне често, лимонот се користи за осветлување на косата или прамените. Се меша со вода, па течноста се нанесува на врвовите или на целата коса, за да се добие природен ефект и избегне третирањето со фарби или други козметички производи. Но, немојте да го правите тоа!  Имено, лимонот  ја слабее косата, по што таа станува полесно кршлива и безживотна.

Според тоа, за борба против хиперпигментацијата и за најдобри прамени во косата, сепак немојте да користите „направи сам“ продукти, приготвени на база на лимон во домашната кујна, туку попрво вложете пари во квалитетни препарати за нега на кожата и косата.

М. А. | Црнобело