Црвен кармин, злато и дијаманти - Најскапо нашминканите усни во светот

Во Гинисовата книга на рекорди, деновиве беше забележан уште еден несекојдневен и спектакуларен подвиг. Станува збор за најскапата уметност на усни, која некогаш била создадена.

Светски познатата визажистка, Vlada Haggerty, во соработка со козметиката Smashbox, ги создаде најскапо нашминканите усни во светот.

Оваа уметница, која на јавноста ѝ е веќе позната со своите фантастични изработки, но и правните проблеми што ги има со Кајли Џенер, затоа што (наводно) ги копирала нејзините дела, вешто си поигра со најскапоцената шминка досега.

Поточно, во тандем со дизајнерката на накит Zoe Chicco, таа влезе во Гинисовата книга на рекорди, благодарение на највредната комбинација на кармин за усни со дијаманти од 6,5 карати.

Smashbox и Sephora се погрижија за кармините од линијата „Be Legendary Liquid Metal“ и „Be Legendary Liquid Pigment'', а дијамантите со кои се украсени усните ги отстапи споменатата дизајнерка на накит, Zoe Chicco.

Конечниот изглед резултираше во екстравагантен спој на црвен кармин, златни ливчиња и 80 дијаманти.

Вредноста на овој луксуз на усни изнесува неверојатни 26.500 долари.

Уметност или кич - кое е вашето мислење?

М. А. | Црнобело