Совршена 5-минутна рутина за шминкање

Според мејкап артистот Ширли Пинксон, модерната шминка не треба да одзема 2 часа од вашето време за да ја нанесете.

Сѐ што ви е потребно е сјајна кожа, густи веѓи и блескави усни, а за да го постигнете сето тоа, нема да ви бидат потребни повеќе од 5 минути.

Тенок слој на пудра

Кога одбирате пудра, одберете формула која најмногу и одговара на вашата кожа. Додека ја нанесувате, концентрирајте се на помасните делови на лицето, како што се деловите околу носот и образите.

На делот под очите нанесете тенок слој од пудрата додека нежно допирате со прстите. Самото допирање ќе ја зголеми циркулацијата околу вашите очи и ќе ви помогне да ја разбудите кожата.

Природна боја на руменило

За да добиете природен изглед, користете кремасто руменило. Тоа ќе ви помогне да создадете младолика и лесна завршница. Користете ги прстите за да нанесете мал слој врз јаболкниците на вашите образи. Кога е во прашање руменилото, тука важи правилото: „Колку помалку толку подобро“.

Затемнети веѓи

Доколку сте биле на професионално шминкање, веројатно ви е познато дека шминкерите скоро секогаш ви ги коригираат или средуваат веѓите. Тоа е така од причина што кога веѓата е потемна, таа му дава поостар изглед на вашиот лик.

Доколку немате соодветно моливче за исцртување на веѓи, можете да искористите и некоја од потемните сенки.

С. У. | Црнобело