Природни масла за побрзо потемнување на кожата

Еден од омилените благодети на летото веројатно е потемнетата, бронзена кожа и совршениот тен кој ги покрива сите недостатоци. Секако, доколку се сончате паметно.

Некои природни маска може да ви помогнат да го добиете посакуваниот тен без многу мака и „печење“.

Секако, пред да се намачкате со нив, мора да внимавате на периодот во кој се сончате, за да не си создадете изгореници.

Мора да избегнувате да се сончате во периодот од 11 до 17 часот, како и да нанесете слој заштитен фактор под нив.

Потоа од голема помош ќе ви бидат маслата од:

Лешник – содржи витамин Е и кожата бргу го впива.

Кокос – првенствено им се препорачува на луѓето со чувствителна кожа.

Маслинки – уште ако во маслиновото масло додадете сок од свежо цеден морков и капка јод, добивате одличен сојузник во потемнувањето.

Авокадо – им се препорачува на оние со сува кожа, а го спречува и формирањето на брчки и проблемите со пигментација.

Зелен чај – ја омекнува кожата и сепак има минимален UV заштитен фактор. Одлично би било и ако го измешате со некое од горенаведените масла.

М. Д. | Црнобело