Како да ја обновите косата и да го одржите нејзиниот сјај по летувањето?

По изложувањето на сонце и морска вода, како и хлор од базените, вашата коса бара повеќе внимание и нега.

Од преголемото изложување на сонце, косата избледува, а под дејство на морската вода или хлор, ја губи еластичноста.

Токму затоа, при крајот на летото на вашата коса би и годело длабинско перење, а најдобро е да го направите третманот во фризерски салон.

Пожелно е бојата да ја обновите со прелив збогатен со хранливи состојки, кои ќе и го вратат сјајот и бујноста на косата.

За вакви ситуации одличен избор се и фарбите без амонијак кои го негуваат и обновуваат влакното. За подолго да го одржите сјајот, при секое перење на косата во регенераторот додадете маслиново масло.

Со оглед на тоа што во лето косата побрзо расте, добро би било и да ја скратите. За обликот и фризурата најдобро е да се посоветувате со вашиот фризер кој најмногу ќе знае да ви помогне.

Ова не мора да значи дека е задолжително да го правите во салон. Можете и сами да си ја направите маската дома во комбинација на различни масла и мед.

М. М. | Црнобело