5 трендови за шминка кои ќе доминираат оваа 2018 година

Доколку ви дојде преку глава од течните мат кармини, следуваат добри вести - оваа сезона не се повеќе во мода. Нив ќе ги заменат добрите стари кармини во стандардни пакувања со нежна хидратантна формула во многу достапни бои.

Снабдете се со поголема количина на црн туш за очи, а сите кои сакаат светки и металик нијанси може да здивнат – тие се во центарот на вниманието оваа година.

Погледнете ги трендовите за шминка кои ќе доминираат во наредните 12 месеци:

Драматичен црн туш на очите

Не плашете се да исцртате драматична смела туш линија под и над очниот капак. Играјте си со линиите и дебелината на истите. Црниот туш не планира да се пензионира наскоро.

Хидратантни кармини во стандардни пакувања

По години доминација на течните мат кармини, стандардните хидратантни кармини повторно се враќаат во мода. Некој ќе помисли дека сме заборавиле како да нанесуваме нормален кармин после четкичките за течни кармини, нели?

Божествени златни нијанси

Ништо нападно или премногу нагласено. Сите оние нежни златни нијанси кои суптилно се прелеваат нека си го пронајдат своето место на вашето лице, од сенки и пигменти, до сјаеви и хајлајтери.

Сјаен хајлајтер

И оваа година најдраматичниот момент се случува на јаболчниците. Сјаен хајлајтер кој се рефлектира и ги истакнува сите убави црти на лицето – од образите до делот над усните, по линијата на носот и на очните капаци веднаш под лакот на веѓите е задолжителен производ во секој несесер.

Природно густи трепки

Одморете ги очите од слоеви и слоеви вештачки трепки. Оваа сезона во мода се природните трепки кои може да ги згуснете со мешавина од неколку масла, како рицинусово, маслиново, арганово масло и витамин Е.

Пронајдете совршено добра маскара и постигнете природен волуменозен изглед на трепките, без лепило и вештачки трепки.

(О)Милена | Црнобело