Огнено црвена или чоколадна: Кои бои на коса ќе бидат вистински хит во 2018?

Без разлика дали ви здодеа од истата боја на коса или едноставно сакате да испробате нешто поинакво, промената е секогаш добредојдена.

Наместо да се мислите која боја на коса најмногу ќе ви прилега, најдобро е да се консултирате со вашиот стилист, неговото искуство секогаш може да ви биде од помош.

Почетокот на новата година ги донесе и новите трендови, па доколку сѐ уште не можете да се одлучите во која насока да го насочите својот стил, погледнете кои се новите хит бои на коса за 2018. Можеби идејата сама ќе ви дојде.

Чоколадно кафеава

Чоколадната односно темно кафеавата боја е секогаш добар избор доколку сакате да се вратите на својот тинејџерски изглед.

Па, доколку чувствувате потреба да се подмладите, оваа нијанса е вашиот совршен избор.

Светло кафеава

Девојките најчесто им се навраќаат на кафеавите тонови во зимскиот период од годината, меѓутоа како доаѓа пролетта така започнува и осветлувањето.

Едноставно неоспорно е дека светлите нијанси на кафеава допрени од зраците на сонцето изгледаат навистина неверојатно.

Платинеста

Големиот број од познатите девојки се одлучуваат за руса коса, меѓутоа платинестата нијанса стана вистински хит.

Ваквата платинум-манија е одличен начин за да направите впечатлива промена.

Огнено црвена

Овие огнени нијанси на црвената едноставно зрачат со магија и сексапил.

Па, доколку сакате да ја прикажете својата заводлива страна ова е одличен период да се обидете – во мода е!

С. У. | Црнобело