Што може да се случи ако не ја бришете редовно маскарата пред спиење?

 Сите жени знаеме дека не е добро да ја оставиме шминката на нашето лице пред да си легнеме да спиеме. И иако сите го знаеме тоа, понекогаш се случува да си легнеме без темелно да го исчистиме лицето.

50-годишна жена од Австралија дозна кои се последиците од несодветно отстранување на шминка навечер. Таа се здоби со сериозен проблем на очите по 25-годишно неправилно отстранување на маскарата.

Жената почувствувала како двете очи започнуваат силно да ја пецкаат и да чувствува како нешто да ѝ смета.

Кога отишла на доктор, откриле дека поради несоодветно или заборавањето да ја отстрани маскарата од трепките, под очите и се насобрало огромно количество на маскара што ги создало проблемите.

Парчињата маскара се акумулирале под нејзините очни капаци и некои од нив биле толку големи што започнале да ѝ ги гребат рожниците.

За среќа овој вид на заболување е прилично редок и може да се случи поради тотална негрижа и неправилно отстранување на шминката на очите.

Сепак, докторите предупредуваат дека заборавањето на шминката за време на спиењето може да предизвика бројни проблеми, иритации и инфекции на кожата и очите па затоа пожелно е пред спиење, шминката темелно да се отстрани и да му се овозможи на лицето правилно да дише и да се регенерира.

К. Д. | Црнобело