Како да го одморите лицето од тешката шминка во лето и што да користите како замена?

Периодично, добро е извесно време да се ослободите од тешката шминка и да му дозволите на вашето лице да дише. 

Летото е идеално време за тоа, бидејќи кожата повеќе се поти и ја растопува шминката, а порите се полнат со нечистотии.

Секако, во овие денови, доколку не можете да се откажете од шминката, можете да користите други козметички производи кои ќе ѝ дозволат на кожата да дише, а вие и понатаму ќе изгледате уредно и негувано.

Коректор

Доколку сакате беспрекорен изглед, можете да го постигнете тоа и само со коректор во нијанса на вашата кожа. Покријте ги темните кругови околу очите, замаскирајте ги недостатоците и изедначете со сунѓерче за шминкање.

Подлога за шминка

Светкавата седефаста подлога за шминка ќе ја осветли вашата кожа, ќе ги изедначи недостатоците и нема да ги гуши порите на лицето. Доколку немате, набавете си подлога (позната и како прајмер), бидејќи потоа ќе ви користи и за под пудрата.

CC крема

Популарен козметички производ кој заслужено се наоѓа во несесерот на секоја девојка која сака да изгледа беспрекорно. Покривен е, го изедначува тенот, а на кожата ѝ дозволува да дише без проблем.

Интензивен кармин

Овој трик речиси секогаш успева. Со црвен или друг кармин во интензивна боја, вашите усни ќе бидат во прв план и никој нема да забележи дека немате нанесено пудра и руменило на лицето.

Е. Д. | Црнобело