6 фризури кои никогаш не излегуваат од мода

Трендовите во бојадисувањето и стилизирањето на косата се менуваат секоја година, но она што останува исто се неколку начини на нејзиното обликување.

Со оглед на тоа што бројни славни дами се лојални на една фризура, можеме да заклучиме дека некои трендови, едноставно, никогаш не изумираат. Напротив, само се надоградуваат со помош на боите, нијансите, должината и обликот на шишките.

Погледнете кои фризури познатите жени ги негуваат со години и инспирирајте се за следната промена:

Степени во косата

Џенифер Анистон се прослави со познатата Рејчел-фризура, која ја менуваше должината, но не и степените. И до денес актерката носи коса шишана со степени, но со варијации во должината, бојата или нијансирањето на прамените.

Пикси фризура

Овој облик беше исклучително популарен во 60-тите, кога почнале да се менуваат дотогашните дефиниции за женственост. Жените похрабро носеле панталони и ја шишале косата кратко. Мишел Вилијамс, на пример, веќе извесно време ја носи вака својата коса, без големи интервенции во бојата.

Долга и рамна коса

Актерката Гвинет Палтроу важи за дива со беспрекорна фризура. Она што таа со години го негува е долга и мазна руса коса. Секако, овој ефект се постигнува со преса, но и мора да се негува со производи кои штитат од горење и оштетување.

Стилизирана боб-фризура

Во последните години овој стил го негува Џенифер Лопез, а уште една од славните дами која е лојална на боб-фризурата е пејачката Софи Елис Бекстор.

Природно брановидна

За косата со средна должина нема ништо подобро од природно брановиден облик, како што ја носи Кејт Мидлтон. Таа постојано има иста боја на косата, но понекогаш експериментира со должината, но без нагли промени.

Скоро невидливи шишки

Актерката Ема Стоун секогаш има шишки кои се нешто пократки од целата должина на косата, но се доволно долги за да може да се носат настрана. На овој начин се постигнува и волумен на косата, но и отворање на лицето.

Е. Д. | Црнобело