Подгответе сами: Домашен смирувачки пилинг од лаванда

По тежок и напнат ден, нема ништо поубаво од мини домашен спа третман.

Лавандата е докажано еден од најсмирувачките мириси кои се користат при ароматерапија, а има и антисептичко дејство врз кожата.

Овој домашен пилинг може да го користите пред спиење, за релаксација по долг и напорен ден. Важата кожа ќе биде мека и чиста, а вие ќе бидете опуштени и полесно ќе заспиете.

Потребни состојки:

• Половина чаша морска сол
• 1/3 од истата чаша бадемово масло
• 2 капсули витамин Е
• Една лажица сушени цветови од лаванда
• 8 капки етерично масло од лаванда

Подготовка:

Во мала тегла измешајте ги маслото и морската сол. Во смесата додајте ја содржината од двете капсули со витамин Е, ситните цветови лаванта и етеричното масло.

Затворете ја теглата и мешајте со протресување. Оставете содржината да отстои покриена со крпа најмалку еден час.

Доколку сакате поинтензивен мирис, додајте уште неколку капки етерично масло.

Нанесете на малку навлажнета кожа и масирајте со кружни движења. Исплакнете со млака вода и исушете со тапкање со крпата, а не со триење.

Е. Д. | Црнобело