Како да се ослободите од здодевните црни точки на Т-зоната?

Пробавте илјадници козметички препарати и маски за да се ослободите од митесерите, но тие сепак се тука? Постои решение и за тоа.

Што се митесери?

Сосема е погрешно верувањето дека тоа се пори затворени со слој нечистотија. Всушност, митесерите се проширени пори кои се полни со себум или масен слој, кој оксидирал под влијание на воздухот и неговиот горен дел се обоил црно, сиво или кафеаво.

Тие се тешки за отстранување бидејќи себумот е тврд, за разлика од акните, каде е течен. Токму во нивната структура се крие и решението за нив.

Домашен третман за отстранување на митесерите од Т-зоната

Т-зоната е дел кој најмногу се масти, па затоа и тука најчесто се појавуваат овие црни точки.

Најпрво, треба да го омекнете делот каде ги имате. За најдобри резултати, направете го тоа веднаш по бањање, кога порите се поотворени, а себумот омекнат.

Нанесете хидратантна крема на зоната каде сакате да ги отстраните, а потоа покријте со парче пластична фолија. Врз тоа, држете стоплена крпа и држете ја околу пет минути.

Потоа, отстранете ја фолијата и избришете со фротирна крпа. Завиткајте ги показалците со фротирната крпа и наместо да притискате, раширете ја кожата и себумот ќе почне да излегува.

Внимавајте, не смеете да го правите ова пречесто. Доволно е двапати во месецот, бидејќи можете да ја иритирате кожата и да се појави непријатно црвенило.

Е. Д. | Црнобело