Трендови за убавина кои не треба да ги практикувате оваа есен

Трендовите се менуваат речиси секоја сезона, па и почесто, без разлика дали се работи за фризура, шминка или облека.

Ако се подготвивте за есента и ги извадивте од фиоката сјајните сенки за очи, ве известуваме дека треба да ги вратите таму кај што беа и да набавите посмирени тонови.

Прочитајте кои три трендови веќе не се во тренд:

Сјајни очни капаци

Минатата година беше навистина модерно да имате сјајна светкава сенка на очните капаци, иако е навистина тешко да го носите тој тренд. За среќа, оваа есен модерни се неутралните бои на сенки за очи, кои содржат дискретни седефни пигменти.

Мокриот изглед на косата

Овој тренд не им припаѓа на есента и зимата. Иако знаеме дека косата всушност и не е навистина мокра, веќе извесно време ваквиот изглед е целосно аут. Наместо тоа, обидете се со мазно испеглана коса или со целосно дефинирани кадрици.

Размачкани усни

Светлите кремасти кармини кои се користат без моливче за усни оставете ги за летните вечери. Есента и зимата се сезони на прецизни линии и длабоки мат тонови.

Е. Д. | Црнобело