Работи на кои мора да обрнете внимание пред да ставите ботокс

Немојте да одите да ставате ботокс кај кого било, никако немојте да нарачувате ботокс онлајн и немојте да криете детали од вашата здравствена историја доколку ви постават прашања за тоа.

Ботоксот се користи од 1980 година, но неговата првична намена не била пополнување на борите на лицето, туку лечење страбизам и блефароспазам (присилно треперење на очниот капак).

Денес е најпознатата естетска интервенција во светот, а неговиот третман трае само 10 минути.

Иако генерално ова е безопасен третман, мора да земете предвид некои работи пред да го направите.

На што мора да обрнете внимание пред да ставите ботокс?

Бирајте искусен и проверен лекар

Детално распрашајте се за ординацијата во која ќе одите. Постојат многу лажни лекари кои ќе ви ги земат парите, а ќе завршите со трајни последици на вашето лице.

Побарајте да ви го покажат оригиналното пакување

Побарајте од лекарот да ви го покаже оригиналното пакување ако првпат одите кај него.

Немојте да дозволите да ви аплицираат супстанци од непроверено потекло за кои ќе дадете огромна сума исто како за оригиналите.

Проверете дали користат нова, стерилизирана опрема

Ова е можеби и едно од најважните нешта при одење на било какви третмани. Не се изложувајте на непотребни ризици.

Никако не купувајте ботокс преку интернет

Ботоксот не е играчка, затоа сериозно размислете дали навистина сакате да го ставите доколку немате доволно финансии за тоа.

Не се залажувајте да нарачувате евтин ботокс преку интернет затоа што е од сомнително потекло и не можете да знаете што ќе добиете.

Покрај тоа, освен ако не сте лиценцирани, сигурно ќе си направите сериозна штета ако пробувате да го ставите сами. 

Информирајте го лекарот за вашата здравствена состојба и историја

Отворено зборувајте за вашата здравствена историја, на што сте алергични и дали имате некаков здравствен проблем.

Лицето што ќе ви го става ботокосот треба да знае дали постои ризик од каква било реакција, па не треба да криете ништо од него. 

М. П. | Црнобело