Дали да користите навлажнувачка крема на кожа склона кон акни?

Луѓето чија кожа е склона кон акни точно знаат каква „војна“ меѓу козметичките производи се случува, додека да се најде оној кој нема да ја суши кожата, но нема да ги затвора ниту порите.

Дали ќе користите пилинг, тоник, гел за миење или директни третмани што се нанесуваат врз мозолчето, зависи од вас. Но, еден производ треба да е задолжителен - навлажнувачката крема за лице. Без оглед на акните, вашата кожа треба почесто да биде хидратирана, бидејќи ја третирате со поагресивна козметика.

Ако не користите соодветен навлажнувач за кожата, сета останата козметика може да има дури и спротивен ефект на она што го посакувате. Кога кожата е сува, полесно се иритира и акните се повидливи и поболни. Досега многу дерматолози докажале дека кога кожата е хидрирана, тогаш и акните побрзо се смируваат.

Најголем дел од производите против акни ја сушат кожата, односно го спречуваат природното мастење, па со тоа кожата изгледа како да не се грижите за неа, иако тоа е далеку од вистината.

Користете лесен навлажнувач без масло, кој може да содржи и витамини и хијалурон. И најважно, пијте доволно вода за да можете да бидете сигурни дека сте хидратирани и однатре.

Е. Д. | Црнобело