Девојка веќе 6 месеци не ги бричи нозете - реакциите поделени

Ана од Шпанија вели дека едноставно ја мрзи да го прави тоа и ја нервираат стереотипите во општеството дека жените мора да имаат мазни нозе.

Ана Калатајуд Перез-Манглано (24) од Шпанија одлучи да престане да се бричи во ноември минатата година затоа што едноставно не сакала повеќе да го прави тоа. Таа изјави дека ќе почне повторно кога ќе почувствува дека сака.

Но, по прикачувањето на фотографиите од нејзините влакнести нозе на социјалните мрежи, студентката стана мета на потсмев и на нејзина сметка имаше низа сурови коментари.

Таа откри дека добивала низа пораки од типот: „Сигурно си немала секс долго време“ и „Би ѝ раскинал на девојка ми да изгледаше како тебе“.

Ана вели дека едноставно е мрзелива, не сака да се бричи или депилира и нема комплекс поради тоа.

„Не се срамам од своите влакнести нозе. Ние жените избираме дали ќе се бричиме или не. Не сакам општеството да ме обврзува да правам нешто. Откако престанав во ноември, не сум се избричила до денес и не знам кога ќе почнам пак.“

Иако добила тон негативни коментари, Ана е среќна што добила и коментари за поддршка во кои некои жени ѝ заблагодариле што направила женските влакнести нозе да бидат прикажани како нешто нормално.

С. С. | Црнобело