5 женски парфеми со мирис на лето

Со менувањето на годишните времиња се менува и нашата рутина, која летото најчесто станува полесна. Со доаѓањето на летото најчесто го менуваме и парфемот, па наместо тежок, употребуваме парфем со свежи, цветни и тропски ноти.

Покрај свежиот мирис, неретко, летните парфеми имаат и навистина интересни шишенца, направени токму во духот на летото.

Доколку сè уште не можете да се одлучите за вашиот летен парфем, во продолжение погледнете неколку одлични предлози:

Burberry: My Burberry Blush

Станува збор за интензивен женствен парфем, инспириран од лондонските расцутени градини. Мирисот е свеж и ја отсликува женската енергија која потсетува на будење на природата.

Мешавината од лимон, роза и јасмин го дава вистинскиот мирис на цветна градина.

Lancome: La Vie Est Belle

Овој парфем е симбол на слободата и среќата. Џулија Робертс бил инспирација за овој парфем, како олицетворение на убавината и среќата.

Основната нота се тонови на црна рибизла и слатка круша, додека срцето на парфемот го сочинува перуника и женствена нота на јасмин.

Gucci: Bloom

Овој парфем е инспириран од мирисот на расцутениот цвет. Женственоста ја дава токму комбинацијата од ѓумбир и нежни горски ноти.

Dior: Miss Dior Absolutely blooming

Комбинацијата на црвени бобинки и мирис на цвеќе преставува вистински сладок избор за сите нежни дами.

Marc Jacobs: Daisy Love Eau So Sweet Woman

Неодоливо свежиот и сладок парфем е одличен избор за сите модерни дами. Додека горниот тон на парфемот е малина, срцето претставува бела рада и млеко од јасмин.

Овој парфем истовремено носи и сласт и свежина.

Спирова С. | Црнобело