Зошто Ким Кардашијан става крема за хемороиди на лицето?

Популарната старлета има мноштво трикови за убавина, а последниот во низата, беше изненадување за милионите следбенички на Инстаграм.

Ким Кардашијан (38) е една од највлијателните жени во индустријата за убавина, особено кога се негата на лицето и телото во прашање.

Иако на пазарот понуди целa палета скапи производи за припадничките од понежниот пол, таа лично користи евтина крема за хемороиди на сопственото лице. Зошто?

Одговорот пристигна од Марио Дедивановиќ, нејзиниот долгогодишен шминкер, соработник и пријател со албански корени. Старлетата честопати знае на шега да каже дека поради ерменските гени e на тешки маки со пределот околу очите.

А, визажистот, пак, откри дека темните кругови и изразените подочници, всушност ги третираат со крема за хемороиди, која не чини ниту 10 долари. Ова го призна на еден од семинарите што ги одржува.

Не е познато дали трикот е преземен од некоја друга ѕвезда, ама тој појасни дека ваквата крема е одлично средство во борбата со проширените жили околу очите, како и за намалување на отоците.

М. А. | Црнобело