„Поради мажите како тебе некогаш имав силикони“ - жена критикувана поради малите гради

„Не ми требаат големи гради за да бидам женствена“ - жена му врати на мажот што ја исмеваше за малите гради.

Сиа Купер е Инстаграм фитнес ѕвезда со повеќе од 1.2 милиони следбеници. Таа постојано промовира здрав начин на живот и позитивни мисли, но и покрај тоа е мета на критики.

Еден маж на нејзина фотографија со бикини коментирал дека градите ѝ се премали и таа има тело како на момче.

Купер која имаше силиконски импланти на градите, но ги отстрани минатата година му врати на „хејтерот“:

„Моето тело и моите природни гради не се тука за ТВОЈА забава. Токму мажите како тебе се причината зошто чувствував притисок да ставам импланти во градите, кога навистина немаше потреба.

Сега, не ми е грижа колку се мали моите гради на крајот денот. Сум била на двата краја од спектарот и никогаш не сум била посреќна од сега кога имам вакви „мали“ гради.

Никогаш не сум се чувствувала посамоуверено или секси - вака сосема природна. Не ми е на листата со цели да имам совршени гради за да задоволам некого.

Не ми се потребни големи гради за да бидам среќна или женствена. Ја достигнав фазата во животот во која имам поважни работи на ум. Ги живеам најдобрите мигови во животот. Изгледот избледува, самодовербата не.“

С. С. | Црнобело