Фризури што ќе ви помогнат да издржите 6 дена без миење на косата

Не постои жена која барем еднаш не го занемарила миењето на косата. Можеби сте немале време, сте немале услови, или пак едноставно ве мрзело.

Во овие ситуации најчесто посегаме по шампони за суво миење, но тие не се секогаш најдоброто решение. Од друга страна, пак, и пречестото миење на косата е штетно за неа.

Сигурно познавате барем една девојка која ја мие косата еднаш или два пати неделно, а секогаш ѝ изгледа чисто и средено.

Сега и вие можете да го постигнете тоа со неколку едноставни совети.

Пoнеделник: Миење

Можете да отидете на фризер или пак самите да ја измиете косата. Најважно е да употребите малку шампон и неколку капки средство за нега на косата.

Колку повеќе продукти нанесувате на косата, толку полесно ќе се измрси.

Вторник: Освежување со шампон за суво миење

Еден ден после миење вашата коса сè уште ќе изгледа свежи и чисто. Вториот ден можете да ја освежите косата со малку шампон за суво миење.

Нанесете го директно скалпот, а потоа преместете го патецот на другата страна. На овој начин вашата коса веднаш ќе добие волумен.

Среда: Неуредна плетенка

Сега е време да ја тргнете косата од лицето. Плетенката е одлично решение за немиената коса бидејќи одлично стои и кога е неуредна.

Важно е во текот на денот да не ја допирате плетенката бидејќи ќе го изгуби волуменот и ќе се поттикне лачењето масти. Оставете ја плетенката и преку ноќ.

Четврток: Мала пунџа

Сега веќе косата почнува да изгледа валкано, но ќе ве спаси плетенката од претходниот ден. Пуштете ја косата и поминете со прстите низ неа.

Брановидната коса ќе биде совршена за мала пунџа на врвот од главата. Па, одвојте го горниот дел и направете мала пунџа.

Петок: Опавче

Четири дена после миење, вашата коса е совршена за опавче. Исчешлајте ја косата и фатете ја во цврсто опавче. Со балсам за коса средете ги неуредните влакна.

Сабота: Марама

За викендите никој нема да ви замери ако ја соберете косата во марама. Марамите изгледаат навистина добро, удобни се и ќе ви помогнат да издржите до последниот ден.

Денес можеби ќе ви биде потребен и добар парфем за коса.

Недела: Миење

Денес можете да ја измиете косата со разреден јаболков оцет, а потоа со шампон. Не заборавајте и на продуктите за нега на коса.

Спирова С. | Црнобело