4 чекори за правилно бричење на бикини зоната, без црвенило и поткожни влакна

Сезоната на плажи и базени е во полн ек, па многу девојки се соочени со постојана потреба од бричење на бикини зоната.

Сигурно знаете колку непријатни се црвенилото и чешањето што се појавуваат после бричење, а поткожните влакна се само уште еден голем проблем.

За среќа, има начин да си го олесните целото искуство и да го намалите ризикот од појава на чешање и црвенило.

Сè што ви е потребно е бебешко масло за тело, „машки“ брич со четири жилети, пена за бричење, алкохол за дезинфекција и неутрален дезодоранс, најдобро во облик на спреј, камен или крема.

Следете ги следниве чекори:

1. Пред бричење, нанесете малку од бебешкото масло на бикини зоната. Маслото ќе ги омекне кожата и влакната и ќе го направи бричењето подоцна полесно.

2. За бричењето употребете машки брич со четири жилети и пена за бричење. Она што е добро за вашето лице нема да им штети на интимните делови.

3. После бричењето нанесете медицински алкохол. На овој начин ќе ја дезинфицирате областа и ќе ги затворите порите.

4. За крај, употребете го дезодорансот. На исушената област нанесете од дезодорансот за да го спречите потењето и црвенилото.

Сега ви останува само да го облечете вашиот омилен костим за капење и да уживате!

Спирова С. | Црнобело