Чекор по чекор: 9 домашни маникири кои нема шанси да ги промашите

Иако е најлесно да отидете во салон да ви ги средат ноктите како што сакате, сепак некогаш може да се обидете сами да ја развиете креативноста и да заштедите пари.

Секако, техниката е важна и не секој е способен, но овој водич со чекор по чекор инструкции ќе ви го олесни процесот, дури и ако сте почетник.

Ако имате барем малку трпение и желба сами да си направите кул маникир – одвојте време за нега за себе.

Лесни и едноставни чекори за маникир кој не чини пари:

Маникир со разлеани бои

Нанесете безбоен лак како основа и еден слој од лакот во омилената боја за нокти.

Ставете 3-4 капки лак во други бои на рамна површина. Измешајте ги со нешто тенко како чепкалка, како на фотографијата.

Притиснете во една точка од боите со печат за линиите да не бидат толку истакнати од најгорниот слој.

Потоа ставете го ноктот врз површината со лак и на крај отстранете го вишокот лак околу ноктот.

Почекајте да се исуши и намачкајте безбоен лак за сјај.

Омбре ефект

Намачкајте ги ноктите со основа и со еден од двете бои на лакови кои ќе ги користите за омбре.

На рамна површина истурете мала количина од двете бои на лак и во средина каде што се соединуваат измешајте ги двете бои со чепкалка.

Земете мало парче сунѓер и еден крај од него притиснете врз двете бои.

Потоа со нежни движења и благ притисок допрете го сунѓерот за ноктот.  Повторете неколку пати обновувајќи ја бојата на сунѓерот додека ноктите не добијат доволно силна боја.

Отстранете го вишокот од кожата, оставете да се исуши и намачкајте безбоен лак за сјај.

Маникир со огномети

Намачкајте ги нозете со основа и со лак во омилената боја, по можност темна.

Користете многу тенка четка за да нацртате неправилни линии и точка во средината со светкав лак (со светкавиот лак не се познаваат недостатоците на линиите, за разлика од обичен).

Оставете да се исуши и намачкајте со безбоен сјаен лак.

Ефект на витраж

Намачкајте ги ноктите со основен безбоен лак и со лак во боја и оставете да се исуши.

Потребни ви се стикери со сјаен, шарен дезен, кои ќе ги исечете на парчиња и со стапче ќе ги лепите како на сликата.

Намачкајте со безбоен лак за сјај, во неколку слоеви, за подобро да се фиксираат налепниците и површината да биде мазна.

Зебра маникир

Намачкајте ги ноктите со безбоен лак како основа и одозгора со лак во една од двете бои ќе ги користите.

Откако ќе се исушат, залепете тенки ленти со различна дебелина, по можност на помало растојание.

Одозгора нанесете лак во другата боја која сакате да ја комбинирате, а потоа внимателно одлепете ги лентите.

Почекајте да се исуши и нанесете лак за сјај.

Продолжува на следната страна...