Како да постигнете мокар ефект на косата како Ким Кардашијан и Кендал Џенер?

„Мократа коса“ која последниве години ја популаризираа Ким Кардашијан и Кендал Џенер ќе биде во тренд и оваа сезона.

Како да го постигнете овој едноставен изглед во неколку чекори дома?

1. Наместо да ја сушите косата со фен, впијте ја со пешкир. Потоа оставете да се потсуши сама, природно. Кога ќе биде малку влажна, преминете кон чекор 2.

2. Испрскајте ја косата со солен спреј. Доколку не можете да го најдете во продажба, направете си дома сами.

Потребно ви е:

• шише со распрскувач
• 1 шолја жешка вода
• 1-2 лажици морска сол
• 1 лажица регенератор за коса или кокосово масло

Во шишенцето со жешка вода додајте ги останатите состојки. Добро протресете. 

Не го прскајте на корените доколку сакате поголем волумен. Косата „прочешлајте ја“ со прсти.

3. Ставете пена за коса за да добиете поголем обем. Доколку имате многу права коса, завртете ја во пунџа па нанесете ја пената потоа.

4. Хидратација со арганово масло. Кога станува збор за мокар изглед на косата, аргановото масло е можеби клучно. Ја храни и навлажнува косата и дава посебен сјај. Ставете на неколку прамени – не ја полевајте цела коса.

5. Дувнете ја косата со фен на најслабо.

6. Ставете гел на краевите и корените. Така ќе ги контролирате разлетаните влакна.

7. Доколку имате потенка коса, може да ставите и восок за обликување.

Подготвени сте да воодушевите!

Е. П. | Црнобело