Фризер ги охрабрува жените гордо да ја покажат својата побелена коса – најдобрите трансформации (фото)

Повеќето жени се обидуваат да ги скријат белите влакна, а не можете да им судите поради оваа одлука.

Белата коса неретко ја поврзуваме со старост и иако е нешто сосема природно, жените, па и некои мажи, чувствуваат потреба да ја скријат.

Но, еден фризер од Калифорнија успева да ги охрабри жените гордо да ја покажат нивната бела коса, и им помага да го направат тоа.

Пред околу три години, една жена му рекла на фризерот Џек Мартин дека со години ја фарбала нејзината бела коса, и тоа еднаш месечно. Но, веќе ѝ здодеало толку да се грижи за нејзината боја и сакала да заштеди време на тоа.

Тогаш Џек добил одлична идеја – ја офарбал нејзината коса со сиво-сребрена нијанса, слична како нејзината побелена коса. На жената веднаш ѝ се допаднала трансформацијата.

Сега Џек ја користи неговата техника за многу жени. Наводно, прво ја отстранува вештачката боја, а потоа ја фарба косата со нијанса слична на природната. На овој начин, дури и кога косата ќе порасне, жените не мора веднаш да ги фарбаат корените.

„Моите клиенти со природна побелена коса доаѓаат само 2-3 пати годишно во салонот, наместо на секои неколку недели“, вели фризерот.

Ако и вие се мачите да ја скриете побелената коса, можеби фотографиите од салонот на Џек ќе ве инспирираат гордо да ја покажете:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело