Дали е во ред да користите крем со заштитен фактор со поминат рок?

Во летните денови кремовите со заштитен фактор се задолжителни, а веројатно барем еднаш сте се запрашале дали се исто ефикасни откако ќе им помине рокот на траење.

Неретко, пак, рокот на траење на овие кремови може да се избрише од пакувањето, па не ни знаете до кога е.

Заштитните кремови ја штитат кожата со активни супстанци кои ја апсорбираат или рефлектираат ултравиолетовата светлина. Овие супстанци можат да бидат цинк оксид, титаниум оксид и слично, а рокот на траење на кремот најмногу зависи од нив.

Повеќето заштитни кремови се добри за употреба и до три години откако ќе ги отворите, освен ако на пакувањето не стои друг рок.

Сепак, ако го чувате кремот на жешко или влажно место, може да ја намалите неговата ефикасност уште пред да помине рокот на траење.

Кремовите со поминат рок се помалку ефикасни во блокирањето на УВ зраците, со што се зголемува ризикот од изгореници. Сепак, погустите кремови, за разлика од геловите или спрејовите, можат да бидат колку-толку ефикасни и откако ќе им помине рокот.

Затоа, во случај да имате само крем со поминат рок, подобро нанесете од него отколку да не користите никаква заштита, но запомнете дека сепак не се со иста ефикасност.

Како да одредите дали вашиот крем е веќе не е ефикасен:

- Како што напоменавме, најпрво обрнете внимание на рокот на траење. Ако е поминат, подобро купете нов.

- Ако поминале три години откако сте го отвориле кремот, или ако не се сеќавате кога сте го отвориле, подобро купете нов.

- Ако сте го чувале кремот на жешко место, повторно најдобро е да го замените со нов.

- Ако кремот ги променил бојата и/или мирисот, немојте да го користите.

Спирова С. | Црнобело