Кој е најпребаруван производ за нега на лице на Google во 2020-та?

Сигурни сме дека имате забележано дека во последниве неколку години, голем дел од производите за нега на лице содржат витамин Ц. Токму овој витамин е најпребаруван збор годинава кога станува збор за нега и убавина.

Оваа состојка е една од оние кои навистина даваат резултати на кожата. Најдобри ефекти се забележуваат кај личности кои се изморени и на чија кожа ѝ недостасува сјај.

Витаминот Ц содржи аксорбинска киселина која најдобро продира низ кожата.

Најдобро е да го користите преку серуми, иако и лосионите и маските со оваа состојка се добредојдени во дневната рутина.

Оптималната концентрација на витамин Ц е од 10 до 20%. Најдобро е да се нанесува наутро, за да ги неутрализира радикалите кои настануваат од надворешни фактори – УВ зраците и пушењето.

Витаминот Ц може да го користи секој – без оглед на годините, типот на кожата и проблемите кои ги имате, но доколку сепак имате проблематична кожа и се плашите, може да се консултирате со кожен лекар.

На долг рок, може да влијае на:

1. Отстранување на дамките од сонце и проблеми со хиперпигментација на кожата.

2. Намалување на брчките околу очите.

3. Изедначување на тенот.

4. Осветлување на тенот.

5. Кожата ја прави млада и чиста.

6. Ја враќа свежината на лицето.

7. Ја хидрира кожата.

Дерматолозите тврдат дека витаминот Ц најдобар резултат дава во комбинација со ретинол, т.е. дека се „совршен пар“ – витаминот Ц да се користи наутро, а ретинолот навечер.

Е. П. | Црнобело / фото: depositphotos.com