8 совети што ќе ви го олеснат шминкањето и ќе ви помогнат да ја истакнете вашата природна убавина

Речиси секоја девојка и жена сака да користи шминка и нема ништо лошо во тоа. Шминката ни помага да ги прикриеме недостатоците на нашето лице, а да го истакнеме она што ни се допаѓа најмногу.

Но, скоро сите правиме некои грешки во шминкањето кои не само што го расипуваат нашиот изглед, туку ни го прават целиот процес многу покомплициран.

Затоа, погледнете неколку совети што ќе ви го олеснат шминкањето и ќе ви помогнат да ја истакнете вашата природна убавина:

Хидратацијата на кожата е најважна

Без разлика дали сакате природен изглед или „понападна“ шминка, првото нешто на коешто треба да обрнете внимание е негата на вашето лице. Најдете хидратантен крем погоден за вашиот тип кожа и не заборавајте да пиете многу вода.

Нанесување коректор за подочници

Темните подочници се проблем со кој се соочуваат многу жени, но лесно ќе ги прекриете со правилно нанесување на коректорот. Ако имате многу темни подочници, прво нанесете коректор со розова нијанса, бидејќи подобро ќе ги прекрие. Нанесувајте го коректорот со сунѓерче за шминкање или нежно тапкање со прстите. Потоа само нанесете пудра со иста нијанса како вашето лице.

Внимателно одберете нијанса на пудра

Пудрата не треба да ја промени бојата на кожата на лицето, туку да се совпаѓа со неа. Бидејќи дланките и лицето обично имаат различна нијанса, најдобро е да ја пробате пудрата директно на лицето пред да ја купите.

Немојте сами да ја менувате формата на веѓите

Ако сакате да ја промените формата на веѓите, најдобро препуштете им го тоа на професионалците, бидејќи доволно е да направите една мала грешка за да го уништите изгледот на вашите веѓи. Откако ќе ви ги оформат веѓите, потоа можете и сами да ги отстранувате подраснатите влакненца со пинцета.

Кога станува збор за бојата на веѓите, најдобро ќе изгледаат нијансите слични на бојата на вашата коса.

Продолжува на следната страница...