Болка во грбот, препотување и уште 4 знаци дека носите градник со погрешен број

Сите знаеме дека изборот на вистинскиот градник може да биде од пресудно значење – градникот со погрешен број не само што нема да ви го даде очекуваниот изглед на аутфитот, туку ќе ви предизвика и проблеми како болки во грбот. 

Кога станува збор за избор на градник, проблем немаат само жените со големи гради, туку и оние со помал обем на градниот кош. Особено доколку не се сигурни во тоа кој број на градник им е потребен или не знаат како да го одредат.

Затоа е мошне важно да одвоите време и да го најдете вистинскиот број за вас.

Неколку знаци дека ви е потребен друг број на градник:

Го закачувате на последниот ред копчиња

Новиот градник треба да се закопчува на првиот ред копчиња, а не на последниот.

Градниците имаат повеќе редови копчиња, што треба да ви послужат за да можете да го закопчувате откако материјалот ќе се растегне од носење.

Не можете да ставите два прста помеѓу задниот дел на градникот и грбот

Ако нема простор да ставите два прста помеѓу градникот и грбот (како на илустрацијата), тогаш тој е премал за вас.

Ако, пак, има повеќе место од два прста, градникот ви е широк.

Чувствувате болка во грбот или областа кај ребрата

Еден од најочигледните знаци дека носите градник со погрешен број е појавата на болка.

Ако градникот е преголем, тогаш не ви ја дава потребната поддршка, па можно е да ве боли грбот ако имате поголеми гради.

Ако станува збор за модел што ви е мал, тогаш ќе ве стега кај ребрата, но и на рамената, па повторно ќе чувствувате болка.

Не можете да се движите слободно

Штом градникот ви го ограничува движењето, тогаш дефинитивно не ви е точен.

Се потите многу под него

Ако забележите дека се потите под градникот дури и кога не е многу топло, веројатно носите модел кој е премал за вас.

Жиците ви ги притискаат градите

Жиците од градникот (фишбајнот) треба да се наоѓаат веднаш под градите, а не да ги притискаат.

Б. С. Б. | Црнобело