Мајка го покажа стомакот 3 месеци по четвртата бременост: „Ме нарекуваат мрза, грозна и дебела“

Сара Никол Ландри од Онтарио, Канада стана мајка по четврти пат. Таа се породи со своето четврто бебе пред само три месеци, а вели дека ова „била најтешката бременост досега“. Таа на нејзиниот Инстаграм профил објави фотки како од породувањето, така и од стомакот по бременоста.

До возраст од 25 години, консултантката за социјални медиуми родила 3 деца, а до 2013-тата година била со тежина до речиси 102kg. Но, откако ослабела цели 50kg тврди дека почнала да чувствува уште поголема несигурност за изгледот на нејзиното тело и поради тоа си дала збор дека ќе го прифати сопственото тело какво што е и ќе споделува „реални фотографии“ на интернет.

Сега во средните 30-ти години, таа објавува фотографии на Инстаграм со кои што сака да прошири порака за прифаќање на телата такви какви што се.

Неодамна таа објави фотографија на која е во бикини и на која се гледаат последиците од четирите бремености, особено во пределот на нејзиниот стомак.

Објавувањето на фотографијата беше проследено со низа навреди од следбеници на социјалните мрежи кои ги напаѓаат „целулитот и стриите“ на нејзиниот стомак.

Потоа таа објави фотографии на кои сподели некои од негативните коментари што ги добива. Може да се забележи дека некои ја нарекуваат: „грозна“ и „дебела“. 

Но, има и такви на кои што оваа фотографија им помогнала да не се чувствуваат осамено и им ја зголемила самодовербата.

„Цела недела морав да се справувам со коментарите за себеси во ова бикини. Ми беше речено да си го спакувам стомакот. Ме нарекуваат грозна. Мрзлива. Дека немам самопочит. Зошто да ја споделам тогаш? Затоа. Мора да покажеме дека ова е сосема нормална промена на телото по раѓањето деца или и без деца.

Промените не може да се кријат сè додека не станете доволно прифатливи, па потоа да се појавите. Реакцијата не може да биде „те молам отстрани дел од себеси пред да се вратиш“. Тоа не може да биде така.

Ова е само 3 месеци по мојата најтешка бременост досега. Кога тие ме нарекуваат мрзлива, јас се гледам себеси како го штитам моето бебе со одмор.

Кога ми велат да го спакувам стомакот, ги слушам како ми велат да отстранам дел од себеси, а воопшто не ме познаваат. Драгоцени делови од мене, што се прошириле за да не чуваат безбедни.

Кога тие велат дека немам самопочит, гледам дека тие немаат почит за мене.

Кога тие велат дека сум „грозна“ знам дека ги пропуштиле најдобрите делови од мене“ , напиша таа, меѓу другото, до фотографиите.

Сара вели дека најлесно од сè е да го покриеме телото или да исчезнеме во целост, но таа како мајка на четири деца е решена да го промени начинот на кој што луѓето размислуваат за женското тело.

Повеќе фотографии од Сара во продолжение:

Б. С. Б. | Црнобело